Silos müəyyən məhsulların saxlanılması üçün yeraltı və ya yerüstü, çox vaxt şaquli, bəzən isə xəndək formasında salınmış anbardır. 

Siloslara heyvandarlıq üçün faydalı yem bitkiləri və məhsulları (əsasən qarğıdalı, günəbaxan, yonca, zəhərli olmayan alaq otları, tərəvəz qalıqarı, eləcə də yeyinti sənayesinin faydalı maddələrlə zəngin olan  tullantıları və s.) sıx şəkildə doldurulur və ağzı qapadılır. 

Bir müddətdən sonra bitki kütləsində təbii fermentləşmə sayəsində “yetişmə” baş verir və şirəli, qidalılığı yüksək olan yem əldə edilir. Belə yem ilə bəslənən heyvanlar daha dözümlü və məhsuldar olurlar.