- hdr@shirvanagro.az
- +994 (12) 565 00 50
Bərpa olunan enerji
Bərpa olunan enerji
Günəş panelləri
Planetimizdə ən təmiz bərpa olunan enerji mənbəyi olan günəş enerjisi istilik enerjisi hesab olunur. Bu enerjinin böyük hissəsi hidrogendən ibarət olduğu üçün ən təmiz bərpa olunan enerji mənbəyi kimi tanınır. Günəşdəki hidrogenin heliuma çevrilməsi zamanı ayrılan istilik enerjisinə Günəş enerjisi deyilir. Günəş texnologiyaları günəş şüasını fotovoltaik panellər və ya günəş radiasiyasını cəmləşdirən güzgülər vasitəsilə elektrik enerjisinə çevirir. Günəş enerjisindən elektrik enerjisi əldə etmək məqsədilə günəş panellərindən, istilik və isti su təminatı üçün isə günəş kollektorlarından istifadə edilir.
Günəş enerjisinin ən böyük üstünlüyü ətraf mühiti çirkləndirməməsidir. Ekoloji cəhətdən zərərli tullantıları yoxdur. Bu, tükənməz enerji mənbəyidir və demək olar ki, enerji tələb olunan istənilən sahədə istifadə oluna bilər. Əməliyyat xərcləri çox aşağıdır.
Elektrik qolf maşınları
Daxili yanma mühərrikli avtomobillər ilə müqayisədə elektrik qolf maşınları çox vaxt daha aşağı məbləğə əldə edilir və ətraf mühitə zərər vermədən yüksək keyfiyyətli performans təmin edir. Elektriklə işləyən avtomobil istifadə etməyin eko-faydalarına nəzər salaq.
Günəş su qızdırıcı kollektor
Günəş su qızdırıcılarının iş prinsipi günəş istilik kollektorundan istifadə edərək suyun günəş işığı ilə qızdırılmasıdır. Müxtəlif iqlim və enliklərdə həllər təmin etmək üçün müxtəlif qiymətlərlə müxtəlif konfiqurasiyalar mövcuddur. Günəş su qızdırıcıları yaşayış və bəzi sənaye obyektləri üçün geniş istifadə olunur.
Ağacların faydaları nələrdir?
Ağacların havanı təmizləməsi heç kəsə sirr deyil. Bu, ağacların ən əhəmiyyətli faydaları arasında göstərilə bilər. Ağaclar karbon qazını udaraq havanı daha təmiz edir. Beləliklə, təbiətin tarazlığı qorunur. Ağaclar təbiətin ağciyərləri hesab olunur.
Oksigen bütün canlılar üçün vacib sayılan elementdir. Ağacların yarpaqlarında baş verən fotosintez prosesi zamanı karbon qazı udulur, oksigen xaric edilir. Bu, oksigenə ehtiyacı olan bütün canlılar üçün həyati əhəmiyyət daşıyır.
Ağaclar yaşadıqları torpaqda kök salır. Onlar torpağın daha münbit olmasına səbəb olur. Bu baxımdan ağaclar torpaq üçün çox əhəmiyyətlidir. Bir bölgədəki ağaclar o bölgədə torpağın əmələ gəlməsini sürətləndirir. Torpağın humus nisbətini artıran ağaclar təbiət üçün əvəzolunmaz mövqedədir.
Ağacların insanlar üçün ən mühüm faydalarından biri enerjiyə qənaətdir. Xüsusilə yay aylarında ağaclar yüksək temperaturun qarşısını alır. Beləliklə, havanı sərinləşdirmək üçün əlavə enerji tələb olunmur. Bu da insanlar üçün enerjiyə qənaət deməkdir.
İnsanlar və digər canlılar üçün həyati əhəmiyyət kəsb edən suyun əmələ gəlməsi üçün ağaclar çox vacibdir. Ağaclar mövcud suyu qoruyur. Bununla da, suya qənaət edilir.
Ultrabənövşəyi şüalar insanlar üçün zərərlidir. Ağaclar insanları bu şüalardan qoruyur və insanların müxtəlif xəstəliklərə tutulmasının qarşısını alır.
Araşdırmalar zamanı məlum olmuşdur ki, quraq ərazilərdə olan məhəllələrdə və yaşıllıq olmayan yerlərdə yaşıl əraziləri olan məhəllələrdən daha çox zorakılıq halları baş verir. Meşəlik və yaşıl sahələrin insanlarda qorxu və aqressiya səviyyəsini azaltdığı müşahidə olunmuşdur.
